Con esta serie de cachés quero levarvos á Cidadella, entre o pobo español de Soutochao e o portugués de Segirei, onde unha ruta fermosa agarda por vós.
A Cidadella forma parte dunha das Rutas do Contrabando polas que se pasaba principalmente produtos de alimentación ao outro lado da raia. Sen embargo, durante a 2ª Guerra Mundial chegouse a transportar wolframio cara Portugal, pois había minas no lado español.
Ademáis de poder facer unha ruta perfectamente señalizada e coidada, podedes visitar antigos muiños rehabiliatados. O curso do río fai pozas ó longo do seu cauce e remata nunha cascado de +/- 50 metros.
A zona conta con un refuxio para os peregrinos que fan o camiño de Santiago portugués. Recomendo que veñades aquí a pasar o día, pois podedes bañarvos nas pozas que hai debaixo da fervenza, comer nalgún dos 3 merendeiros que hai ao longo da ruta e incluso visitar Segirei, onde hai unha praia fluvial. Eu recomendo vir na primavera porque a fervenza é máis espectacular nestas datas, pero no verán esta ruta tamén é recomendable por ser moi fresca.
Espero que disfrutedes destes cachés. Hainos grandes e pequenos, pero o máis importante é que todos están camuflados. Dado que esta fermosa ruta queda bastante a desmán, quero que os cachés sexan de nivel para os que veñan visitala.
Ollo, porque nesta zona NON HAI COBERTURA, así que debedes gardar os cachés e as imaxes antes de vir. En todos os cachés facilito unha foto spoiler para que os poidades atopar, xa que as coordenadas poden varíar moito. Oxalá vos sexa agradable. Saúdos e feliz geocaching!