Skreddersteinen - AK#55 Traditional Cache
-
Difficulty:
-
-
Terrain:
-
Size:  (regular)
Please note Use of geocaching.com services is subject to the terms and conditions
in our disclaimer.
Ein artikkel i BT gjorde oss oppmerksame på ein stor stein med ein interessant historie ved Muledammen. Dermed måtte vi ta ein tur for å lokalisere steinen, og no kan også du finne den og lese litt om historien!
Skreddersteinen
Steinen har fleire kallenamn, men det ser ut til at det er «Skreddersteinen» som er mest brukt. Andre namn som er nemnt er: Schneider-steinen, Mariasteinen og Klokken-tolv-steinen.
Bergen byleksikon skriv at Skredderdalen (som dalen her heiter) har fått namnet sitt frå Schnejderstein (frå tysk: schneider – skredder). Dette namnet på steinen er brukt heilt tilbake i 1631 i følge same kilde. Men det gir altså ikkje noko meir forklaring på opphavet til namnet.
Artikkelen i BT fortel også om at her har det vore øldrikking opp gjennom tida! Like nedanfor her hadde ølbryggjar Gudmund Endresen Bjørndal frå Hålandsdalen traktørstad. Han selde det sterke heimebryggja Fusa-ølet som folk gjerne tok med seg opp her for å nyte.
Bakgrunnen for namnet «Klokken-tolv-steinen» er artig! Det blir sagt at steinen snur seg rundt sin eigen akse kvar einaste dag klokka tolv og ved midnatt. Dessverre skjer dette berre når ingen er til stades her... men kven veit om dette berre gjeld for «mugglarar»....?
Meir informasjon kan du finne i denne oppdaterte artikkelen i BT
Additional Hints
(Decrypt)
haqre fgbar 3z sebz gur uhtr fgbar (Fxerqqrefgrvara)