Stuttgarter Kochrezept: Hochzeitssuppe Mystery Cache
Stuttgarter Kochrezept: Hochzeitssuppe
-
Difficulty:
-
-
Terrain:
-
Size: 
(micro)
Please note Use of geocaching.com services is subject to the terms and conditions
in our disclaimer.
An den Listingkoords ist das Cassiopeia, eines von mehreren Bio-Restaurants in Stuttgart. Dort gibt es einmal die Woche den SCHWABEN-SCHMAUS, aber keinen Cache. Um zum Cacheversteck zu gelangen, musst du erst das folgende Rätsel lösen.
Schwäbische Hochzeitssuppe
Auf dr Suche nochem neie Schduagerder Kochrezept han i nochem typisch Schwäbischa Gericht schlechthin gschaut... Hano, wirsch saga, des isch doch ganz oifach: Schbätzla, Mauldascha ond Trollinger – des isch typisch schwäbisch! Pfeifadeggl. Schbätzla, also Nudla aus Mehl, Oier ond Salz, des hend die Italiener au. Ond au onsere "Herrgottsbscheißerla", die Mauldascha hend se, bloß send se do ebbes kloiner ond hoißat Ravioli. „Aber dr Trollinger, des wird doch wohl ebbes sei, was de andere net hend“, sagsch no. Grad dr Trollinger hots ja scho em Nama „Tirol-inger“. Der kommt aus Südtirol ond do gibt’s den heut no, bloß hoißt’r dort Grauvernatsch. Also, du siesch, des isch gar net so oifach...
Jetzt war i drneulich im Supermarkt. Plötzlich sticht mir do en oim Regal so a Päcklessupp’ en d’Auga. „Schwäbische Hochzeitssuppe“ isch do drufgschdanda. No han i mi richtig gfrait, denn do wird scho ebbes dren sei, was typisch schwäbisch isch.
Drhoim han e me an mein Kichadisch gsetzt ond han amol glesa, was do so dren isch: Fleischextrakt 1%, Grießklößchenraffinade 2%, Jodsalz, gehärtetes Öl, Trockeneigelb, künstliches Brätknödel-Aroma, Maltodextrin, Emulgator Sojalecithin, modifizierte Stärke, Natrium-Glutamat, Dextrose, Dinatriuminosinat, Gummi arabicum, Trockenhefe, Ammoniumcarbonat, Dinatriumguanylat, Ascorbinsäure als Antioxidationsmiddl, ond so weider ond so weider... ond do sollsch net verregga! I lach mi scheckich! Soa Glumb, soa elends! Des isch ganz gwieß net typisch schwäbisch!
Do lupfts eim doch da Maga! Wenn des mei Schduargerder Oma wissa dät! Außer Pottasche hat dia ir Lebtag gwieß koin so en Mischtzeuigs an Zusatzschdoffe gnomme... ond erschdrecht koi Päcklessupp! Hier findsch des Originalrezept von meinr Schduargerder Oma -garandierd ohne Farbschdoff, Konservierungsschdoff odr Gschmagsverschdärgr- ond wenn du jetzet zom Käsch saue willsch, dann musch erschd di bassende Zahle nadaixla:
Finalformel: Nord E-455 E-370 E-136 Ost E:69 E:25 E+4
Scheene Griaß von dog$ und viel Schpass beim rätsle, sucha ond finda!
Schee wärs, wenn du dei Beidrägle in schwäbisch schreibe dädsch. Meglichrweis hasch au a schwäbischs Word odr a schwäbische "Läbenswoisheid" di dr am beschde gfälld... gern au ebbes, des für di bsonders schwäbisch isch... dahanna gohts zom Mundart-Quiz ond bisch a Neigschmeggdr, so nimsch oifach dei Dialegd! ;-)
Kleiner Hinweis: Da sich das Versteck in einem Naturschutzgebiet befindet, fällt die Dose "aweng" kleiner aus und liegt gleich hinter einer Bank, auf welcher sich schön ausruhen und verweilen läßt. Der Weg dorthin und die schöne Aussicht vor Ort ist die eigentliche Belohnung für eure Rätselmühen. Die offiziellen Wege müssen zu keiner Zeit verlassen werden!
Additional Hints
(Decrypt)
nz Ivryfgnzz, thg trgneag nhs pn. 1,50 z